Ozze nieuwe Jeugprins Owen I (Kolsteren), 1x11 joar oud, gebaore in Sittard, is ein rasechte carnavalist in hart en nieren. Hae woont aan de Hoordstraat 31 in Nuujsjtadt, samen mit zien pap en mam, Wilco en Vorst Yvonne I, en is de grote broer van Maren. Vastelaovend is hem mit de paplepel ingegote — en det kinsjte aan alles zeen.

Owen zit in groep 8 van basisschool De Eik bij juf Ellen, en als hae neet on de polonaise rent, dan vinje we ’m waal achter de console, want Owen is ein echte gamer.
Hae is groot Fortuna Sittard-fan, ein fanatieke fan drummer, én ein zanger die ummer de sfeer maakt. As d'r “Es ich de Foetel zeen” klinkt, geit Owen direct aan!

Oppe veld van FC RIA JO12 blinkt hae oet es trots keeper van zien vrunj-team. Of ’t noe voetbal, muziek, gaming of vastelaovend is: Owen geit mit volle energie d’r veur!

En dan nog ’n mooie vastelaoveslink: Owen is auch in ut ech ut vriendje van Jeugdprinses Lynn I — ein köppel kedet same de jeug vastelaovend dit joar ein nóg grooter feest van maakt.

​

Jeugprinses Lynn I (Kuhn), gebaore op 2 december 2014 in Maastricht, is een sprankelend meadje dat altied klaor sjteit mit ’n lach. Ze zit now in groep 8 van KC De Eik, bij juf Ellen Weerts, en nao de zomervakantie fladdert ze verder nao ’t Connect College in Echt.

Sportief is Lynn zeker. Ze turnt mit hart en ziel, en mit ’n lenigheid. det veural d’r ouders, Gaby en Sebastian, al lang get verlooren höbbe. En as ze neet aan ’t turnen is, dan is ze a’an ’t tekenen, zingen of dansen. Muziek? D’r allergrootste passie: ’t Songfestival — én dan óok nog héél veul en héél vaak!

Thoes is Lynn de groete zus van Lana, en in de vastelaovend kennen veer heur natuurlijk ók es de adjudant van Auwt Jeugdprinses Astrid II. Ein rol die ze mit volle trots en energie invulde — en noe sjteit ze zelf veurop es onze eigen Jeugdprinses!

Mit d’r enthousiasme, d’r creativiteit en d’r vastelaoveshart dat groeter is dan d’n optoch zelf, is Lynn kloor veur ’n onvergaetele vastelaovend.

​

Prins Sander II (Rietjens), 43 joar, is unne échte jong van de Nuujsjtadt. Gebaore en getaoge op de Kasselemeier, zoon van Leike en Ria Rietjens, en al van kleins af aan besmet mit ’t vastelaovesvuur. Es klein smurfje sjouwde hae al mit in de optoch van Sint Joas en later zat hae in de Jeugdroad van Nuujstadt. Nog altied geit hae gaer mit de vrunj op sjtap — Nuujstadt, Zitterd, waal ’t plezeer te vinje is, is Sander der bie.

​

Zien Prinses Debby (Rietjens-Kreutzkamp), 42 joar, un doalke oet Lömmerich. De pap en mam, Ger en José Kreutzkamp, zeen echte Zitterdse Marrotte, en die höbbe d’r vastelaovend mit de paplepel in ’t bloed gegót. Debby zelf haet joarelang mit Wovan in de optoch van Zitterd geloupe en is dus ómmerhin un echte vastelaovesmeid gebleve.

Sander en Debby zeen getrouwd en wonen samen oppe Kasselemeier 29, woa ’t altied lééf is mit hun twie kinjer: Fleur (12) en Juul (9).

​

In ’t dagelijks laeve wirk Sander es Digital Marketer biej Stamicarbon in Zitterd, terwijl Debby es administratief medewerkster biej InstaZuid in Sjtein de boel op sjtèl hölt.

In de vreeje tied is Sander veural te vinje op de voetbalclub FC RIA. Hae is coach van de 35+, en ummer trekt hae mit pap Lei en zoon Juul nao ’t eerste team. Auch oppe tennisbaan sent ge’m geregeld, woa hae gaer un belke deit houwe. Debby vinje veer dan weer wanjele of in de fitness. Aafgezeen doa vaan zeen debby d’r haanjs volop te vinje in de kantine van FC RIA es vrijwilliger, lid van de Jeugd-AC én secretaris van de ouderverenging van Kindcentrum De Eik. Ein bezige bij dus — en ein pracht van ein Prinses!