top of page

Regeringsjaar

2023-2024

Prins Roy II & Prinses Rachel

Jeugdprins Kaz I &
Jeugdprinses Zinzy I

Ozze nuuje Jeugdprins Kaz I (Walta), woont prinsheerlik bie zien mam Gonnie Krol en ziene twealing broor Wess oppe Nuujsjtadt. Maar resideert auch vorstelik euver de grens bie ziene pap Luud in ’t sjoone Kinrooi Kaz is 10 jaor en zit in groep 7. Op sjool vundj hae ut ut allersjoonste om vrieje tied te höbbe, want den moog hae gamen. Det is den auch zien allergrootste hobby es hae neit bie de JO11 (!) van FC Ria aan ut voetballe is of aan ut tennisse mit zien teamgeneutjes van Team Oranje. Kaz hilt van ein feeske en loestert den auch gaer nao meziek. Prins zeen is den auch de ideale gelegenheid om heel veul te feeste en te danse. Het is super cool det hae det noe as Jeugdprins Kaz den Eesjte moog doon. En netuurlijk geit hae sjtraks same mit de jeugdprinses veurop in de polonaise.

Jeugdprinses Zinzy I (Knubben) is 11 joar en zit in groep 8 van KC de Eik in Nuujsjtadt. Zinzy woont mit pap Tim, Mam Mendy en breurke Zyno op de Reinald van Gelrestraot in Nuujsjtadt. Zinzy is ein echt vereinigignsmaedje: het zit bie de auvermänkes, duit tennisse bie TV Nuujsjtadt en zit bie de sjutterie. Bie de sjutterie lup Zinzy veurop mit het bördje en het sjpeelt pijperfluit. Wie sjoon is het om in de voutsjtappe te treije van opa en oma, de tant en mam. Opa en oma zeen jaore lid geweas van de vasteloavesvereiniging en in 1993 ware ze prinsepaar van C.V. de Foetelaers. De mam waor in 1996 jeugdprinses en de tant in 1997. Al joare druimt Zinzy der van om jeugdprinses te waere en dit joar moog den eindelijke dae druim oetkomme.

Prins Roy II gebaore op 22 december es Roy Pustjens, tösje Mezeik en Deitere in ut sjoon Maasdörpke Roostere. Hae is dus eine Borchgraaf. In dèt dörp ging hae auch nao de bassissjool. Naodèt hae vaerdig waar mit de sjool verhoesde hae nao de Nuujsjtadt. Hae woort lid van voetbalclub FC RIA en zo maakte hae kennis mit ut Nuujsjtadse vereinigingslaeve. De vastelaovend van 2012 woor ein memorabel moment. Toen woort Roy namelik benuimp pès Prins van de Krekelzengers. Hae woort tiedes ein traening gevroag door de Activiteite Commissie-leeje Juul Reinders en Rik Rietjes. Roy houfde niet lang noa te dènke. Mer hae hauw waal es veurwaarde gesjtelt dat hae den same mit FC RIA wol mitlaupe in de Grote Optoch van De Foetelaers. En dèt gebeurde auch. Hiedoor waas hae de eejsjte Krekelzenger-prins dae mittrok in de Nuujsjstadse vastelaovesoptoch. Vanaaf det joar bemuide Roy zich flink mit de vastelaovesactiviteite van FC RIA. Hae maakde in 2013 auch ut ontwerp van het logo van de Krekelzengers det nog ummer gebroek wurt.   Roy haet ein aardige lies van hobbies: hae sjport zich get aaf: zo duit hae natuurlik aan voetballe. Hae is leider van FC RIA 3. Hae zjwumt gaer en duit auch noch aan renne. Es er tied euver haet dèn zit der auch noch gear te zjweite in de sauna. Daonaeve geit hae noa dance festivals, hilt hae van feeste mit vrunj en organiseiert hae mit vöal plezeier activiteite veur FC RIA. Mèr van hobbies kenste neit laeve, dus der mot auch nog aaf en toe gewirk waere! Roy is drie joar geleje begoosj es zelfsjtandig hoveneier. In kantoorwerk hauw der neit zo veul zin meer. Es kèndj waor er auch al ummer gaer in de boeteloch en es hoveneier kènt hae volop geneite van ein frisje naas. Hae duit daonaeve auch nog get in de hoeshoudelike deinsverlening en dit allemaol onger de bedriefsnaam Ropu+.

 

Aan zien zie sjtuut Prinses Rachel is gebaore op 06 september Zitterd.  Zie is net es heur veurgangers ein echt Zittisj maedje, maar hie in ut Foetelriek numme we dich zo’es t heurd: Prinses! Zie woont al 10 jaor mit vöal plezeier  oppe Nuujsjtadt wao ze intösje auch vuil vrunj haet gemaak. Auch Rachel haet heel get hobbies. Op de eejsjte plaats zeen dao de hoesdiere. Verder hilt zie van gezelligheid en same zeen mit de femilie en vrunj, van oet aete gaon, van ‘girls-tripjes’ en van ut bezuike van allerlei soorte festivals. Auch hilt Rachel van meziek en wanjele. Rachel wirk es Verzörgende Individuele Gezundjheidszörg  bie Zuyderland Vastrada. Roy en Rachel leerde zich kènne op ut Oktoberfees in Zitterd. Ze gaon gaer samen nao feeste en festivals. Auch laupe zie gaer rondj op merte en braderieën en zeen ze te venje in kringlaupwinkels. Oet aete is auch waal aan hun besjteed. En neit te vergaete ut aete van ein lekker tuut Belzje frit op ziene tied. Mer ze zeen auch gaer thoes mit hun hoesdeere. Ze höbbe van alles get: drie katte, twee aquariums en veugelkes. Bienao eine ganse boerderie! En ut allerbelangriekste: ze hauwte van de Nuujstadtse Vastelaovend!

NicoleCoolenFotografie5929.jpg
NicoleCoolenFotografie5620.jpg
010_Tillegram_Jeugdprinsenpaar_2023-2024.jpg
011_Tillegram_Prinsenpaar_2023-2024.jpg
bottom of page