’t Sjmaalste sjtökske Nederlandj
 
Oppe Nuujsjtadt woont me in det sjtökske van Nederlandj wo me van de “meist westlichster Punkt Deutschlands” oppe iessjtraot in ein dik oer nao ’t Belsj kènt laope.
In de gemeinte die ligk tössje Mille en Isebrouk aan de eine kantj en Maaseik aan de angere kantj.
 
Mart Moors, oze te jónk gesjtórve troebadoer van de Nuujsjtadt, bezunk ’t zo sjoon in ein van zien leidjes:
De Nuujsjtadt is ’t dörpke wo Limburg op zien sjmaalste is tösje de grens en ein autofebrik.
Mer es me de welt haet gezeen van achter tot veur, den zuut me ‘t volges häöm es ’t dörpke wo Limburg op zien sjoonste is.
 
tekst: Heemkunde Vereniging